Xəbər verdiyimiz kimi, Azərbaycanda çobanlar fermanın yarım milyon manatdan çox dəyəri olan heyvanlarını sahibkardan xəbərsiz satıblar. 

“Qafqazinfo” xəbər verir ki, çobanların yaxınları sözügedən hadisədə ferma sahiblərini ittiham edirlər.

Çobanlar - Kəmaləddin Hüseynov və Ceyhun Əskərovun ümumilikdə 1377 baş heyvanı sataraq pulunu mənimsədikləri bildirilib.

Ancaq həbs olunan Kəmaləddin Hüseynovun bacısı və Ceyhun Əskərovun anası isə oğurluqda fermanın sahibinin əli olduğunu bildirirlər:

“Bu yesin 10 min, 20 min, da yarım milyon? Mənim vəziyyətim göz qabağındadır. Əgər mən o pulu yesəydim, bu qədər borc-xərcim olmazdı”.

Oğurluqda ittiham edilən Ceyhun Əskərovun atası da baş verənlərin qurama olduğunu iddia edir:

“Yarım milyon pul deyirlər. Mən özüm acından ölürəm, bu qədər borcum var”.

Anasının iddiasına görə, ferma sahibi hətta başqa şəxslərə qarşı da belə əməllər törədib:

“Adil üçün mən evimdə yemək hazırlayıb vermişdim. O dedi ki, kimisə də tutdurmuşam heyvan alacam. Heyvanı gətirib, gedirəm onu buraxdırmağa. Birinci dəfə deyil bu”.

İddialarla bağlı qarşı tərəflə telefon əlaqəsi saxlanılıb. Fermanın sahiblərindən Firdovsi Baxışov deyilənlərin əsassız olduğunu deyib:

“Əgər deyilənlər kimi, günahkar olsaydıq, istintaqda təqsirli şəxs kimi biz həbs olunardıq”.

Firdovsi Baxışov onu da qeyd edib ki, hətta ilk başda ferma sahibləri Ceyhun Əskərovla bağlı polisə şikayət etməyiblər, ancaq istintaq araşdırması nəticəsində onun da oğurluqda əli olduğu müəyyən edilib.

Daha ətraflı “Xəzər TV”nin süjetində: