“Ronaldodan millidə qalmasını xahiş etdim” - Jezuş
Portuqaliya millisinin baş məşqçisi Jorje Jezuş Kriştianu Ronaldonun yığma komandadan ayrılmaq qərarına münasibət bildirib.
“Qafqazinfo” xəbər verir ki, mütəxəssisin sözlərini “Record” nəşri yayıb.
“Ondan qalmasını xahiş etdim, çünki yanımda olmasına ehtiyacım var idi. Amma qərarına hörmət etməliyəm. O, həmişə Portuqaliya xalqının və milli komandanın qəlbində qalacaq. Artıq geriyə yol yoxdur. Ronaldo Portuqaliya futbolu üçün hər zaman örnək olacaq”, – deyə Jezuş bildirib.
Qeyd edək ki, milli komandaların oyunları üçün ayrılan fasilə zamanı Ronaldo ilə baş məşqçi arasında münaqişə yaşanıb. 41 yaşlı futbolçu UEFA Millətlər Liqasında Norveçlə qarşılaşmada heyətə daxil edilməməsindən sonra yığmanın son üç məşqini buraxıb. Jezuşun mətbuat konfransında Danimarka ilə növbəti oyunda Ronaldonun meydana çıxacağına zəmanət verməməsindən sonra ulduz futbolçu komandanın düşərgəsini icazəsiz tərk edərək şəxsi təyyarəsi ilə ölkədən ayrılıb.
Xatırladaq ki, Ronaldo milli komandada 233 rəsmi oyunda 146 qol vuraraq hər iki göstərici üzrə dünya rekorduna sahibdir.
Son Xəbərlər
- 1
- 2
- 3
- 4
- 5
- 6
