İndiana Consun əşyaları hərraca çıxarılır
Londonda məşhur filmlərə aid ikonik əşyaların böyük hərracı keçiriləcək.
“Qafqazinfo” xəbər verir ki, bu haqda “The Independent” nəşri məlumat yayıb. Təşkilatçı “Propstore” şirkəti bu hərracdan təxminən 10 milyon funt-sterlinq gəlir əldə etməyi gözləyir.
Ən diqqətçəkən əşyalar arasında “Qara cəngavər”(2008) və “Qara cəngavər: Əfsanənin dirçəlişi” (2012) filmlərində yer alan “Batpod” motosikleti də var; onun təxmini dəyəri 450 000 ilə 900 000 funt-sterlinq arasındadır. Həmçinin, “Betmen başlayır” filmində Kristian Beylin geyindiyi kostyum da hərraca çıxarılır və onun qiymətinin 125 000 ilə 250 000 funt-sterlinq arasında olacağı təxmin edilir.
Ekspertlər 1984-cü ildə çəkilmiş “Indiana Jones and the Temple of Doom” ("İndiana Cons və Məhv Edən Məbəd") filmindən olan “İndiana Cons dəsti”ni kolleksiyaçılar üçün müstəsna tapıntı hesab edirlər. Bura keçə şlyapa (fedora), kaskadyor köynəyi və təxminən 2,4 metr (səkkiz fut) uzunluğunda qamçı daxildir. Şlyapa və köynək Harrison Fordun kaskadyor-əvəzedicisi Vik Armstronqa məxsus olub. Dəstin dəyəri 400 000–800 000 funt-sterlinq olaraq qiymətləndirilir; təkcə qamçının özü isə hərracda 200 000 ilə 400 000 funt-sterlinq arasında bir qiymətə satıla bilər.
Son Xəbərlər
- 1
- 2
- 3
- 4
- 5
- 6
