“Qarabağ”la yollarını ayıran kolumbiyalı müdafiəçi Kevin Medina rəsmi “Instagram” hesabında azarkeşlərə və kluba duyğusal bir mesajla vida edib.

“Qafqazinfo” xəbər verir ki, təcrübəli futbolçu paylaşımında Ağdam təmsilçisində keçirdiyi illərin onun üçün unudulmaz olduğunu vurğulayıb:

“Bu gün həyatımda və karyeramda dərin iz qoyan bir klubla vidalaşıram. “Qarabağ”a gəldiyim ilk gündən qollarını mənə açan inanılmaz peşəkarlar, dosta çevrilən komanda yoldaşları və bizi hər an dəstəkləyən alovlu azarkeşlər tapdım. Bu formanı geyinmək, bu loqonu təmsil etmək mənim üçün böyük şərəf və məsuliyyət idi. Meydanda həmişə hörmət və fədakarlıqla mübarizə apardım”.

Rəhbərliyə, məşqçilər heyətinə və klub əməkdaşlarına təşəkkür edən 33 yaşlı müdafiəçi azarkeşlər üçün xüsusi cümlələr yazıb:

“Bizimlə olan, həm yaxşı, həm də çətin günlərdə dəstəyini əsirgəməyən “Qarabağ” azarkeşlərinə xüsusi təşəkkür edirəm. Sizdən gördüyüm sevgini heç vaxt unutmayacağam. İndi yeni bir çağırışa başlamaq vaxtıdır. Bu böyük klubun tarixinə adımı yazdırdığım üçün qürur və minnətdarlıq hissi ilə gedirəm. “Qarabağ”a gələcəkdə daha parlaq uğurlar arzulayıram. Bu klub tarixidir! Hər kəsə təşəkkürlər!”

Qeyd edək ki, “Qarabağ”ın 2020-ci ilin yayında Portuqaliyanın “Şaviş” klubundan transfer etdiyi Medinanın karyerasını Malayziyanın “Johor” komandasında davam etdirəcəyi gözlənilir.

Bu gönderiyi Instagram'da gör

Kevin Medina (@kevinmedina81_81)'in paylaştığı bir gönderi