Niyazi Bayramov sakinlərin müraciətlərini dinlədi - Fotolar
Gəncə Şəhər İcra Hakimiyyətinin başçısı Niyazi Bayramov sakinlərlə görüşüb.
“Qafqazinfo” xəbər verir ki, 25 nömrəli tam orta ümumtəhsil məktəbində baş tutan görüşdə YAP Gəncə şəhər təşkilatının sədri Bayram Aslanov, Gəncə Şəhər İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Əvvəlcə Niyazi Bayramov məktəbin şəhid məzunlarının əziz xatirəsinə həsr olunmuş xatirə lövhəsini ziyarət edib, önünə tər çiçəklər düzüb.
Şəhər rəhbəri vətəndaşların müraciətlərini dinləyərək işlə təminat, maddi yardım göstərilməsi və digər sosial məsələlərlə bağlı qaldırılan problemlərə münasibət bildirib.
Səsləndirilən müraciətlərin operativ həlli məqsədilə aidiyyəti qurumlara müvafiq tapşırıqlar verilib. Bir sıra məsələlər yerindəcə həllini tapıb, digərləri isə araşdırılması və qanunvericiliyə uyğun şəkildə icra edilməsi üçün nəzarətə götürülüb.
Qeyd edək ki, ölkə rəhbərinin tapşırıq və tövsiyələrinə uyğun olaraq, səyyar qəbullar bundan sonra da mütəmadi şəkildə davam etdiriləcək.
Son Xəbərlər
- 1
- 2
- 3
- 4
- 5
- 6
