ÇL-də 1/8 finalı təmin etdilər
“Bavariya” Çempionlar Liqasında 1/8 finala vəsiqəni təmin edən ikinci komanda olub.
“Qafqazinfo” xəbər verir ki, Almaniya təmsilçisi Liqanın ümumi mərhələsinin 7-ci turunda evdə Belçikanın “Union” klubunu 2:0 hesabı ilə məğlub edib.
Bu qələbədən sonra “Bavariya” xallarının sayını 18-ə çatdırıb və 36 klubun iştirak etdiyi turnir cədvəlində 2-ci pilləyə yüksəlib. Münhenlilərlə 9–24-cü yerlər arasında artıq 5 xallıq fərq yaranıb. Ümumi mərhələdə isə komandaların cəmi bir oyunu qalıb.
Qeyd edək ki, turnir cədvəlində ilk 8 yerdən birini tutan komanda birbaşa 1/8 finala vəsiqəni təmin edir. Bu vəsiqəni ilk qazanan London “Arsenal”ı olub. “Topçular” 7 turdan sonra 21 xalla turnir cədvəlinə liderlik edir.
Son Xəbərlər
- 1
- 2
- 3
- 4
- 5
- 6
