BƏƏ-dəki üçtərəfli görüşün davamı sabah keçiriləcək - Yenilənib
Birləşmiş Ərəb Əmirliklərinin (BƏƏ) Əbu-Dabi şəhərində Rusiya, Ukrayna və ABŞ nümayəndələrinin iştirakı ilə üçtərəfli görüş başlayıb.
“Qafqazinfo” xəbər verir ki, bu barədə “Sky News” telekanalı məlumat yayıb.
“Lakin ukraynalıların və rusların eyni otaqda olub-olmadığı hələ məlum deyil”, - məlumatda deyilir.
Xatırladaq ki, ötən gün Ukrayna Prezidenti Volodimir Zelenski BƏƏ-də Rusiya və ABŞ nümayəndələri ilə keçiriləcək üçtərəfli danışıqlarda ölkənin şərqindəki (Donetsk və Luqansk vilayətləri - red.) ərazi məsələlərinin müzakirə olunacağını açıqlamışdı.
***
Birləşmiş Ərəb Əmirliklərinin (BƏƏ) paytaxtı Əbu-Dabidə Ukrayna, Rusiya və ABŞ nümayəndələrinin iştirakı ilə üçtərəfli sülh danışıqları başlayıb.
Bu barədə BƏƏ-nin xarici işlər naziri Abdulla bin Zaid Al Nahyan deyib.
O, danışıqların iki gün davam edəcəyini və münaqişənin həlli yolunda “nəzərəçarpan irəliləyiş” üçün ümidverici olduğunu bildirib.
***
Bu gün başlayan ilk raunddan sonra tərəflər müzakirələri yanvarın 24-də də davam etdirmək barədə razılığa gəliblər.
Bildirilib ki, danışıqlar konstruktiv şəraitdə keçir və iştirakçı tərəflərdən heç biri dialoqu dayandırmaq niyyətində deyil.
Son Xəbərlər
- 1
- 2
- 3
- 4
- 5
- 6
