4 min il əvvəlki gündəlik həyatın yeni sübutları tapıldı
Bağdaddakı Tell Muhammed ərazisində çalışan arxeoloqlar qədim Mesopotamiyada gündəlik həyata dair yeni sübutlar tapıblar. Aşkar edilən tapıntılar, əsasən, eramızdan əvvəl 2000-1600-cü illərə, Babil kralı Hammurabinin hakimiyyəti dövrünə aiddir.
“Qafqazinfo” xəbər verir ki, İraqın paytaxtında aparılan bu tədqiqatlar 4000 il əvvəlki məişət həyatının izlərini üzə çıxarıb.
2022-ci ildən başlayan və hazırda da davam edən qazıntılar zamanı qədim istehkamlar, iki darvaza, eləcə də, çörək bişirilməsi və ehtimal ki, pivə dəmlənməsi üçün istifadə olunan xüsusi ərazi aşkar olunub.
Kataniya Universitetinin arxeologiya professoru Nikola Aneri mövsümlə bağlı təəssüratlarını bölüşərək bildirib: “Bu mövsüm fövqəladə oldu. Biz çörək və ehtimal ki, pivə istehsalına həsr olunmuş bir ərazi kəşf etdik. Burada arpa və pivə istehsalı ilə bağlı bir lövhə tapıldı. Bu, çox vacib Mesopotamiya pivəsi olan “kuru” pivəsidir. Biz hələ də bu lövhəni tərcümə etmək prosesindəyik”.
Yeni açılan arxeoloji park sayəsində ziyarətçilər artıq bu ərazini gəzib araşdıra bilərlər. Eyni zamanda, yerli və beynəlxalq tərəfdaşlar Bağdadın mədəni irsini qorumaq və turizmi təşviq etmək istiqamətində birgə fəaliyyətini davam etdirirlər.
Son Xəbərlər
- 1
- 2
- 3
- 4
- 5
- 6
