ABŞ Əli Laricani və daha 17 nəfərə sanksiya tətbiq etdi
ABŞ İranda davam edən kütləvi etiraz aksiyalarına qarşı tətbiq edilən zorakılıqlara və qanunsuz maliyyə əməliyyatlarına cavab olaraq Tehran hakimiyyətinə qarşı sanksiyalar paketini genişləndirib.
“Qafqazinfo” xəbər verir ki, ABŞ Xəzinədarlıq Departamentinin Xarici Aktivlərə Nəzarət İdarəsi (OFAC) tərəfindən açıqlanan yeni “qara siyahı”ya 18 fiziki şəxs və şirkət daxil edilib.
Sanksiyaya məruz qalanlar arasında çirkli pulların yuyulmasında ittiham olunan, həmçinin “Bank Melli” və “Shahr Bank”la sıx əməkdaşlıq edən qurumlar yer alır.
Siyahının ən diqqətçəkən ismi isə İranın Milli Təhlükəsizlik Ali Şurasının katibi Əli Laricanidir. Həmçinin etirazların yatırılmasında birbaşa iştirak edən İran Hüquq-Mühafizə Qüvvələrinin və İslam İnqilabı Keşikçiləri Korpusunun (SEPAH) dörd regional komandirinə qarşı da məhdudlaşdırıcı tədbirlər tətbiq olunub.
Qeyd edək ki, Vaşinqtonun bu addımı İranda insan hüquqlarının pozulmasına görə məsuliyyət daşıyan şəxsləri hədəf almaqla yanaşı, hakimiyyətin beynəlxalq maliyyə sisteminə çıxışını daha da daraltmaq məqsədi daşıyır.
Əlavə edək ki, sanksiyalar həmin şəxslərin ABŞ-dəki aktivlərinin dondurulmasını və Amerika şirkətləri ilə hər hansı ticari əlaqələrinin qadağan edilməsini nəzərdə tutur.
Son Xəbərlər
- 1
- 2
- 3
- 4
- 5
- 6
