Polis Günü Oğuzda da qeyd edildi - Video
Oğuzda 2 iyul - Azərbaycan Polisi Günü münasibətilə tədbir keçirilib.
“Qafqazinfo” xəbər verir ki, tədbir iştirakçıları öncə Ulu Öndər Heydər Əliyevin xatirəsinə ucaldılmış abidəni ziyarət edib önünə gül-çiçək dəstələri düzərək ona hörmət və ehtiramlarını ifadə ediblər.
Oğuz Rayon Polis Şöbəsinin inzibati binasında davam edən tədbirdə Oğuz Rayon İcra Hakimiyyətinin başçısı Cavid Abdulqədirov, hüquq-mühafizə orqanlarının rəhbərliyi, Yeni Azərbaycan Partiyasının yerli təşkilatının sədri, polis veteranları, ictimaiyyət nümayəndələri iştirak edib.
Tədbirin əvvəlində Azərbaycan polisinin fəaliyyətininə və əldə edilmiş uğurlara həsr edilmiş videoçarx nümayiş etdirilib.
Oğuz Rayon Polis Şöbəsinin rəisi, polis polkovnik-leytenantı Fərid Fətəliyev öz çıxışında Azərbaycan polisinin yaranma tarixindən, keçdiyi inkişaf yolundan söz açaraq polis əməkdaşlarının ölkə ərazisində ictimai-siyasi asayişin qorunmasında, cinayətkarlıqla mübarizədə müstəsna xidmətlərini xüsusi vurğulayıb.
Sonda xidmətində fərqlənən bir qrup polis əməkdaşlarına Fəxri Fərmanlar və hədiyyələr təqdim edilib.
Son Xəbərlər
- 1
- 2
- 3
- 4
- 5
- 6
